A GIUAN CARI AMICI, VORIA CONTARVE ‘NA ROBA VERA CHE M’E’ SUCCESSO L’ALTRA SERA, VORIA PARLARVE DE ‘NA EMOSSION CATA’ UN P0’ SCONTA NE L’ARMARON. TACADA ANCORA SUL SO OMETO HO TROVA’ LA CAMISA DA ANZOLETTO: L’HO NASA’, LA SAVEA DA BON, DE BEI RICORDI, DE ‘NA PASSION. CHE NO LA METEA L’ERA UN PESSETO, A DIR LA VERITA’ GHE STAO UN P0’ STRETO, MA ‘STA CAMISA CHE STRUCO IN MAN LA ME RICORDA DE TI, GIUAN! “SIOR LUNARDO, SIOR PARE, PATRON!” A DIR DE TI ... SON POCO BON. TI LASSU’ IN ALTO, MI QUA DA BASSO: A PARLARTE ASSIEME ME VIEN EL TREMASSO. RISENTO ANCORA LA VOCE TOA DE UNA QUALSIASI NOSTRA PROA - ZANETTA! FORZA! UN P0’ D’IMPEGNO! DIME FORTE UN GRAN BEL “VEEGNO!” LA CASCA, LA VA ZO, METTI UN P0’ DE GRINTA: SITO ANCA TI, PAR CASO, INCINTA? “SIORA MARE! FIA MIA!” - GI-I’E’ LA NEBIA? MI VAGO VIA! - TASI’! TASI’! GHE TOCA A MENEGHETO: TE GH’E’ ANCORA IN MAN EL LIBRETO? MI GHE INSEGNO A RECITAR E LORI I CONTINUA A ZUGATOLAR.     STOP, PAUSA, BEVEMOSE UN GOSSIN GH’E MIA ‘NA FETA DE FOGASSIN? GHE’ RESTA’ SOLO TRE GALETINE UN P0’ ROSEGHE’ DA LE MORACINE. VORA’ DIR CHE DOPO LA PROA SE INVITAREMO A CASA TOA, IN DO’ MANCA MAI UN BICER DE VIN COMPAGNA’ DA QUALCHE BON CANTUCCIN. CIAO! MARIA! SEMO QUA! MI, ME SENTO SUL SOF A’. - VOLIO UN TOCO DE CROSTATA? L’E’ MIA TANTO CHE L’HO FATA. - NO DARGHE GNENTE A ‘STI BASTARDI! TIRAENE INSIEME FIN A TARDI E CIACOLANDO PIAN PIANO SE INDORMENSAENE SUL TO DIVANO. FARABUTTI, BASTARDI E BRUTTA GENIA VERA L’ORGANICO DE LA COMPAGNIA. I NOSTRI INCASSI NO I ERA DA FAVOLA, I FENIVA TUTTI A SORA ‘NA TAOLA. ANCORA ADESSO, ANCHE SE NO PAR, STEMO TUTTI QUANTI A RECITAR UNA PARTE ASSAI INFINITA DE ‘NA COMEDIA CHE SE CIAMA VITA! SE QUALCHE SERA TE VIEN NOSTALGIA VIEN ZO A CATAR ‘STA COMPAGNIA. QUATRO CIACOLE E, SE TE VOL GRADIR, UN CUL DE BONDOLA DA SPARTIR... EL BELO Giuseppe Bello Trevenzuolo 28 Settembre 2001 CARO GIOVANNI Caro amico, caro Giovanni nonostante passa i ani gh’è ne l’aria par magia la to’ presenza la to’ regia. Gran persona te si sta quanta gente che t’à amà e... l’è ancora tutta chi sì! Giuan, a parlar de ti. El to teatro el vive ancora ghè un to’ alunno che fa scola: Bepe Belo gh’a pensà a continuar n’ eredità. Tanti zoeni e brai butei, l’era quei che te volei, i studia scene tute a mente i fà soridar un po’ la gente.   Ecco, questo t’è lassà tanta gioia e umanità Un regista bravo e bon che dà vita al so copion! Mi lo so te si contento e presente in ‘sto momento tò zà visto lì tra i primi emozionà su sti scalini. Susanna Tavella         Trevenzuolo 3 Settembre 2008 Associazione Teatrale Nuovi Giovani  Piazza Vittorio Veneto, 17  - 37060 Trevenzuolo Verona Italia - C.F. 93210660234  certificato UILT Veneto 412012/0228  Anno 2012    - Copyright 2011 Web Master NiTo WebD5  All Rights Reserved -